Kisalu me banda

Kilumbu kintete ki ngonda nana 2019. Kisalu na mono ya mpa me banda. Mono me vutuka ntete ve na bwala na mono, kansi mono ke landila yo tuka mazono. Na kilumbu ya kumi na zole ya ngonda ya nsambwadi, UWI basisaka luzayisu nde mono me kuma "Director for Graduate Studies and Research" Kisalu na mono kele ya kudiatisa mambu me tala maploma ya licence, maîtrise ti doctorat ti kutomisa recherche na kati ya Campus na beto. Kisalu ya nene penza. Yo ke lomba kikesa, mayele ti lusadisu ya Mfumu Nzambi sambu na kusala yo mbote. Bonso mu sonikaka na français, mono fwete kutanga mingi, kulonguka kisalu na mono ya mpa ti kulomba ndongisila na bayina kubakaka kiyeka na ntwala na mono. Mono ke tula kivuvu, mayele ti ngolo na familia, na banduku ti bantu ya luzola ya mbote sambu na kunungisa mono na kisalu yai. Beno tula mono na bisambu sambu kisalu kuluta mboti na bamvula tatu yai bo me pesa mono yo. Ya kieleka kisalu me banda.

1