Mposo mosi me lunga tuka mono me kuma na bwala ya Barbados. Kisalu kuyantikaka mpi mbote, kansi mono me sukinina na kutula malongi na mono na "kibaka" (Website). Yo yina, nsuka ya mposo yai, mono me kwisa konso kilumbu na kifulu ya kisalu. Ata bubu lumingu, mono kele awa. Bubu na ntangu 3 ya nkokila misa ya nene ta vanda na Cathédrale catholique St Patrick sambu na kusungimina mvula makumi nsambwadi ya Université des West Indies. Bamfumu ya luyalu ti ya université ta vanda kuna. Université yai me longa bamfumu mingi ya Caraïbe Anglaise. Yo yantikaka na 1948 na Jamaique. Campus ya Barbados me kukisa mvula 50 ya luzingu. Mono ta kwenda, sambu mono me sala bamvula kumi na sambanu na kisika yai. Mono yantika "Lecturer", bubu yai mono me kuma "Professeur". Mono me longa bana mingi; bo ke sala awa ti na ntoto mvimba. Yo kele kiese mingi na kumona lufutu ya kisala ata yo kele fioti. Kiese yina kele bonso yina mono ke monaka na kuvutuka na nsi na beto, na kukutana bana-nzo-nkanda ya ntama. Bo mpi ke sala bifulu na bifulu na ntoto mvimba. Mfumu Nzambi kubaka lukumu!
Happy Anniversary to the University of the West Indies and to the People of the Caribbean!
Aucun commentaire:
Enregistrer un commentaire