Inki kiese yai ya mpasi?

Mazono kuvandaka kilumbu ya kisalu ya nda. Mpila ya kuvanda na famille kuvandaka ve. Yantika menemene tii na mpimpa, kaka kisalu. Kaka baminuti makumi tatu to iya, Mama Mapasa lutaka na campus, beto kwendaka kudia ntinu ntinu na nzo-madia ya campus. Kuna beto kutanaka ti mpangi mosi ya Zaimbabwe ti bakala na yandi, bo mpi vandaka kudia feti ya kubutuka ya Mama Prosper. Nsi kele nene ve mpila bo ke tubaka. Prosper ti Calvaire kubutaka kilumbu mosi. Nzambi ke yidika mambu na mpila na yandi. Na nima mono longaka nzo-nkanda zole yantika ntangu 1 tii ntangu 7. Kulemba mpila ve kansi mono monaka kiese mingi na kuvutuka na nzo na mpimpa.

Bana vandaka kuvingila mono na kudia gateau to mampa ya lubutuku (?). Beto yonso vukanaka na kiese ya kilumbu yango ata yo vandaka nda. Kana Mfumu Nzambi kuzola, beto ta vutukila yo diaka na lumingu ti bampangi yankaka. Kana ve, kaka luzolo ya Unkwa Ngolo Yonso.

Kiese, ngemba, ngolo ya nitu ti kikesa, luzingu ya nda na Ngudia Bodi!