Mama Matsasu wenda kwandi

23.08.2012. Wenda kwandi mama. Lelu mvula vwa hana twakumina batsona. Wenda kwandi mama Christine Matsasu Kayengo. Kenda buna kazinga ye mbatalala-mbundu, ye luzitu ye lukumu. Mama kaswekiki mambu mingi ku mbundu, ma pasi ye kiesi. Kazonziku bwingi, kazodikiku kumonisa mutu pasi. Mpila kazingila, ni wa bwa kedi mu mambu ye yandi, samuna ngeyi mutwa mbi. Mbundu yina, kweku mutu wa monga ya, ziku Louise ye bana ba bakhetu. Ziku. Keku Bea, ziku Passy. Keku Koka ziku Kalongu. Aho! Kansi mama buna katutsasa, katuheka mbundu ya lutondu ye kusadisana. Biakala ludi, biakonda lusi kikesa ye ngolu lwa dia. "Nzo yena luzitu tata." Dilongi ka peka ha yasumba nzwa theti ku Kin ye kwaku twena. Ngudia Kahiudi kakala mutu mosi wa kubatama. Katulonga luzitu lwa bambuta ye bima bia bakwenu. "Mekiku kuyiba ata mbongu ata bima bia ngani, kilumbu biakubalukila. Sadiku mukwenu mambi. Mweniku mukwenu kimpala to "kheni". Mama kakala ye kisingitina kia mambu mosu: kabidiku diambu, kabidiku mutu, kazayiku batu bosu ye mazina ma bawu. Ngangu ye nduka zingi. Katutaniniki bwingi. Kakala ye mambu mandi kazodiki ata bu kazonziku bwingi. "Abbé Mabana muntu ya Kimbau, nge mama na yandi muntu ya Mikawu. Nki mutindu?" Père Jean Malembi kamuhiula kilumbu kimosi. Kilumbu kisa mutala Koka, katsamwana ni bazonzaku bwingi, kaka kutalana mesu ye mesu. Mama kuna wenda, tuyindulaka betu bana baku twasala, tutaninaka, tutalaka ye mesu ma nkenda hana twabwaka mu mafu, tusadisa twa telema mu zina dia Tata Nzambi. Tusambilaka mama, luzingu lwatutona. Twasimbana mu lutondu, twazolana buna twasala, twalanda malongi watulonga. Matondu mama buna lwazinga ye tata mu kutuyedisa mu nzila ya masonga ye mawaete, mu mambu mosu wasala kikuma kia betu bana baku bosu ye bakhaka ye nzo zetu. Wenda mboti. Hwena kuna wena mama. Hwena mu ngemba mama, Ngudia Miledi mia Khatu..